廖碧兒認現時單身，早前在加拿大修讀學士學位課程，佢話：「收花相係在溫哥華買花俾自己，花唔使人送。」

廖碧兒今日在中環現身Viu TV新劇《婚內情》宣傳，今年初三月廖碧兒公開認愛和富二代盧啟賢放閃拍拖，戀事不足半年，七月便公開分訊，之後曾在IG甫收花相，今日廖碧兒認現時單身，早前在加拿大修讀學士學位課程，佢話：「收花相係在溫哥華買花俾自己，花唔使人送。」

之前有報道話碧兒同盧啟賢拍拖亦煙幕，實則已嫁人（其中一個傳說係法國波爾多酒莊富豪Jean-Charles Cazes），報道仲話佢有咗云云。但今日見碧兒容光煥發，緊身裙唔覺「見肚」。

至於有冇追求者，碧兒就話：「啲同學好細個，我生得出佢哋。」又話近日過得好開心，讀書和工作有不同壓力，平時上台都會緊張，但讀書面對考試就試過緊張到喊。

舊愛盧啟賢早前和劉明軒撐枱腳，廖碧兒話唔知對方是誰，係咪因第三者而分手？廖碧兒話：「之前嘅嘢唔提，過去咗，依家好開心。」亦有傳聞話佢結婚去加拿大生B，廖碧兒話都幾好笑。