美國擬遣返非法移民衍生嘅政治風波，「Somewheres」與「Anywheres」誰對誰錯？

美國擬遣返非法移民衍生嘅政治風波，早前曾間接導致美國政府局部停運，當反全球化與反融合已成國際大勢，有關角力處處可見。英國因抗拒歐洲一體化而發展出脫歐，更莫講話中港融合摩擦不斷下之種種風波。

有人將英國支持與反對脫歐者分類為「Somewheres」同「Anywheres」兩大族群。「Anywheres」係一堆讀書、工作與生活都橫跨各國嘅精英，作為世界公民兼受惠於歐盟容許成員國人口於區內自由流動之便，自然對脫歐聲音摸不著頭腦。「Somewheres」係一般大眾、普通勞動階層，一生大部份時間於同一地方生活，亦係全球化下農業與製造業等基層職位消失之受害者，衍生脫歐念頭絕非朝夕。
其實「Somewheres」與「Anywheres」嘅分類放諸本港大概亦準。早前有位中國出生、海外留學、在港工作嘅投行高層，指本港住屋成本高企影響人才來港，建議本港政府向外來人才提供補貼或幫助，就係一個活生生嘅「Anywheres」例子。
「Somewheres」與「Anywheres」並冇對錯之分，但全球化下不同社會階層距離拉闊所引發之矛盾，已是各地政府無法逃避嘅事實。論全球化，香港與歐美情況固然不同，但中港融合之下，內地資金與人口湧港，對港人生活之影響，多少與歐美全球化相似。