周奕瑋東京進修一年，一個星期只係用5千円，現在用流利日文同當地人溝通

周奕瑋喺節目入面用流利日文同當地人溝通，令唔少人都覺得呢啲對答部份好正。話晒人哋真係有去過日本讀書，而且仲考獲日本語能力測試N1級資格，同日本人溝通當然冇難道，亦因為佢講到一口流利外語，大台安排佢去採訪唔少大型國際盛事，同知名巨星做訪問。

周奕瑋其實喺06年加入TVB，當時嘅佢只係諗住陪同學仔一齊去IN娛樂台主播，點知自己又入埋行。 07年就決心去東京進修一年，當時周奕瑋一個星期只係用5千円，亦都因為咁而令到佢搵到咁多抵食餐廳。08年重返大台，佢就一直主持唔少節目，但講到成個節目由自己話晒事嘅話，就係今次呢個《周遊東京》，佢唔單止淨係做主持，資料搜集同聯絡都係由佢去做。入行10年，周奕瑋有今日嘅成績，絕對係默默耕耘出嚟嘅成果。